Humor ala Manado : Oma kerja apa dang.....?

Oma lage pamer oma pe foto-foto waktu muda pa depe cucu; Tole’...

Tole’ : "Oma, ini foto dimana?" (difoto dapa lia oma masi muda, bermerek samua le oma da ba pake, kong ba dandan pa pasung dang).

Oma : "Oh itu waktu oma di Amerika.. gaga kang oma?"

Tole’ : "Iyo eh gaga skali.. kalo yang ini dang?"

Oma : "Di Itali itu, cuma nyak lama kwa waktu itu."

Tole’ : "Oh.. kalo yang ini dang?"

Oma : "Di Paris itu..."

Tole’ : "Ih.. gaga-gaga egh oma pe foto, mantap e oma pigi-pigi ka luar negri trus..Banyak doi kang oma?! Oma kerja apa dang?"

Oma : "Nyanda kerja!" (dengan santai oma menjawab).

Tole’ : "Haaaaaaaaaaaaaaaaaa? Nda kerja? Kyapa boleh pigi-pigi kaluar negri dang? Jangan-jangan... jangan-jangan oma lonte ?"

Oma : "No apa dang......!!!"